PEREZIDA WA FERWAFA ATERA IMBARAGA ABAKOBWA BA U17 BITEGURA AMARUSHANWA AKOMEYE

‎

‎Perezida wa FERWAFA, Fabrice Shema, yasuye abakobwa b’ikipe y’igihugu batarengeje imyaka 17 (U17) bari mu mwiherero, mu rwego rwo kubatera imbaraga no kubongerera icyizere mbere yo kwitabira imikino ya #WWCQU17.

‎

‎Muri uru ruzinduko, yabaganirijeho abasaba gukorana umurava, gukomeza imyitozo no kubahiriza amabwiriza bahabwa n’abatoza babo. Yabibukije ko bafite inshingano zo guhagararira igihugu cyabo neza, bagaragaza impano n’ubushobozi bafite mu kibuga.

‎

‎Yagize ati: “Iki ni igihe cyanyu cyo kwigaragaza. Muharanire kuzamura ibendera ry’u Rwanda, mubikore mufite ishema, imyitwarire myiza n’umuhate. Ntimutinye, mwizere ubushobozi bwanyu kuko mufite ejo hazaza heza.”

‎

‎Yakomeje abashishikariza gukorera hamwe nk’ikipe, kwirinda amakosa no gukomeza kwiyubaka haba ku giti cyabo no ku rwego rw’ikipe yose. Yabibwiye ko gutsinda bisaba kwitanga, discipline no gukunda igihugu.

‎

‎Abakinnyi bagaragaje ko bishimiye uru ruzinduko, bavuga ko rwabongereye imbaraga n’icyizere cyo kuzitwara neza mu marushanwa ari imbere. Biyemeje gukora cyane no guhesha ishema u Rwanda.

‎

‎Byanditswe na Igiraneza Migisha Janviére