U BURUNDI BWIGARANZUYE MALAWI, BUKOMEZA GUTANGA ICYIZERE MU BATARENGEJE IMYAKA 17

‎

‎Ikipe y’igihugu y’u Burundi y’abakobwa batarengeje imyaka 17 yongeye kugaragaza ko ifite ejo heza, itsinda Malawi ibitego 2 kuri 1 mu mukino w’amajonjora y’Igikombe cy’Isi cya 2026 wabereye kuri Stade Bingu National.

‎

‎Ni umukino watangiye amakipe yombi yigana, buri ruhande rushaka igitego hakiri kare. Malawi yagerageje gusatira inshuro nyinshi, ariko ubwugarizi bw’u Burundi bukomeza kwihagararaho. Nyuma y’iminota mike, u Burundi bwaje kubona uburyo bwiza bwo gutsinda, bubona igitego cya mbere cyazamuye morale y’ikipe n’abafana.

‎

‎Mu gice cya kabiri, umukino warushijeho gukomera, Malawi ishaka kwishyura, ndetse ibigeraho itsinda igitego kimwe. Icyakora, abakobwa b’u Burundi ntibacitse intege, bakomeza gusatira kugeza babonye igitego cya kabiri cyabahesheje intsinzi y’ingenzi.

‎

‎Iyi ntsinzi igaragaje ubushake, ubufatanye n’impano ziri kuzamuka mu mupira w’abagore mu Burundi. Ni intambwe ikomeye ibaganisha ku nzozi zo kubona itike y’Igikombe cy’Isi, ndetse ikaba n’ishema ku gihugu cyose.

‎

‎Abafana bakomeje kugaragaza ibyishimo n’icyizere, bizeye ko iyi kipe izakomeza kwitwara neza mu mikino itaha.

‎

‎Byanditswe na Igiraneza Migisha Janviére